Vawiin chawhnu khan Parliamentary Secretary Pu KS Thanga leh Aizawl S-III bialtu MLA ni bawk chuan Kelsih khuaa Health Clinic Building thar a hawng.

Building hawnna inkhawm tawiah hian Pu KS Thanga chuan Chief Minister leh Health Minister-te hmalakna zara Kelsih khua ten an mamawh em em Health Clinic an nei tur chu lawmawm a tih thu a sawi a. Hriselna tha nei turin theih tawp chhuah a thianghlimna kawng ah hma kan lak reng a pawimawh thu sawiin, Sorkarin thil tha tak min pe hi Kelsih khua tan pawh hmasawnna tha tak anih ngei a beisei thu leh, Kelsih khua mai nilo a khaw chhehvel tan pawh malsawmna a nih a beisei thu a sawi a ni.

Kelsih Health Clinic Building hi Dt.31.May.2016 ah sak tan niin, Dt.16.July.2016 ah sak zawh ani. A len zawng hi 24×24 feet a ni.

He hunah hian khawtlang hruaitute bakah tlawmngai pawl hrang hrang leh khawtlang mipuite an tel a ni.