Vawiin chhun dar 12:30 khan Champhai Chanem building Ground Floor-ah Pu Lalsawta School Education Minister chuan Kendriya Vidhyalaya, Central School a hawng.
Champhai DC Pu Vijay Kumar Bidhuri IAS, kaihhruai a Central School thar hawnna ah hian thu sawiin Pu Lalsawta, Education Minister chuan zirna 'Education' kan tih hi inchherchhohna 'Investment' atana tha ber pawl a nih avangin helam kawnga nasa taka tan kan lak a ngai a, naupang 'a pa' la ti thiam lo a lo thanlen zelin eizawngtu ber leh hlawhtling a lo ni a, chu chu Education vang a ni a, kan than chhoh dan hi a ropui a ni a ti a. Central School ang hi Mizoram ah pathum chauh a la awm a, India ramah diltu tam tak an awm laia dil hlawhtling awmchhun tlemte zingah Champhai tel chu lawmawm a tih thu sawiin Champhai mipuite tana inchhuanna tlak a ni tiin hmasawnna kawng awmze nei tak, hmalama insial ruah chu bawhzui thiam zel turin a chah nghal a. He school lo inrelbawl chhoh zel nana duhsakna Minister chuan a hlan a ni.
Pu K. Lalrintluanga, DEO chuan kalkhawmte hnenah lawmthu sawiin hemi kawnga nasa taka sulsutu Champhai DC Pu Vijay Kumar Bidhuri leh NGO bakah Board member te hnenah lawm thu a sawi.
He School hi naktuk ni 17.8.2010 atanga tan nghal tur a ni a, Principal hi Pu M.B. Mall niin zirtirtu paruk an awm a ni.
Pu K. Lalrintluanga, DEO chuan kalkhawmte hnenah lawmthu sawiin hemi kawnga nasa taka sulsutu Champhai DC Pu Vijay Kumar Bidhuri leh NGO bakah Board member te hnenah lawm thu a sawi.
He School hi naktuk ni 17.8.2010 atanga tan nghal tur a ni a, Principal hi Pu M.B. Mall niin zirtirtu paruk an awm a ni.
