Mizoram hmun dangte rualin nimin khan W. Phailengah pawh India ram zalenna ni champha vawi 63-na chu hman a ni a. Parliamentary Secretary Pu KS Thanga chu khuallian ni in hnam puanzar a pawtpharh a ni.
Pu KS Thanga chuan Mizoram sorkarin Phaileng bial mipuite tana hmasawnna hna hrang hrang thawh mek leh ruahmanna a siamte he hunah hian a tarlang a. PWD bul tum a W. Phaileng leh Marpara inkar leh Tuipuibari leh W. Kawnpui inkar kawngpui sial tum a nih thu te; 33kw substation Phaileng a hman mek chu 132kw a tihsan a nih tur thu te; sorkar laipui ruahmanna thingtlang khaw tin tih en tum zingah Zomuantlang, Khantlang, Parvatui leh Zopui te a tel thu te; Tuipuibari, Marpara leh Phuldungseiahte 33kv substation dah tum a nih thu te; DoNER hnuaia Phaileng bial tana tuithianghlim pekna tur cheng vaibelchhe 10 sen ral na tur ruahmanna bawhzui mek a nih thu te; IAY hnuaia in pakhat sakna cheng 3,8500 ni thin chu cheng 4,8500 a tihsan a nih tur thu te a tel a. NLUP pawh ruahmanna felfai tak nen chak taka kalpui tum a nih thu sawiin a hlawhtlin ngei theihna turin kawng tam taka remchanna nei Phaileng bial mipuite chu thawhpuiah a sawm a ni.
Parliamentary Secretary chuan ni 100 inhlawhna kalpui tha ber pawl zingah Phaileng bial a tel thu leh nikum sorkar kum chhunga ni 110 lai inhlawhna siam a nih thu a sawi a. BADP hnuaiah pawh he bial tan hian kum kalta chhung khan cheng nuai 150 zet hmanga school khelmual leh Community Hall sak zawh niin kumin sorkar kum ah phei chuan nuai 145 zet beisei a nih thu te a tarlang a ni.
Parliamentary Secretary chuan ni 100 inhlawhna kalpui tha ber pawl zingah Phaileng bial a tel thu leh nikum sorkar kum chhunga ni 110 lai inhlawhna siam a nih thu a sawi a. BADP hnuaiah pawh he bial tan hian kum kalta chhung khan cheng nuai 150 zet hmanga school khelmual leh Community Hall sak zawh niin kumin sorkar kum ah phei chuan nuai 145 zet beisei a nih thu te a tarlang a ni.
