Higher Secondary School Lecturers’ Association of Mizoram (HISSLAM) chuan vawiin khan Co-operative hall, Babutlang-ah 11th Annual General Conference an hmang a, Mizoram Chief Minister Pu Lal Thanhawla chu Khuallian niin a nupui Pi Lal Riliani’n a tawiawm a ni. Conference hawnna inkhawmah hian Education Minister Pu Lalsawta chuan Khual Zahawm nihna a chang bawk.
HISSLAM President thuhmahruai leh Secretary Report ngaihthlak a nih hnuin Khuallian Chief Minister chuan thu sawiin sorkar ngaih pawimawh berte zingah zirna tha a tel a ni, a ti a. Mizo thalaite hmakhua ngaihtuahin sorkar chuan zirna in tha NIT, NIFT, IIIT leh Agriculture University dangte pawh hawn belh zel a tum dawn a, thalai lehkhathiam hna hmu lo pung zel chu ngaimawhin sorkar chuan eizawnna kawng sports leh thil dangte hmangin ruahmanna siamsak tumin chak takin hma a lak zel thu a sawi a. Kumin State Budget neih har vang leh department hrang hrangte kaldan fuh tawk lo tihfel ngai a tam avangin duh angin sorkar chuan hna a thawh chak theih loh thu sawiin Pu Lal Thanhawla chuan khawtlang nun tlakhniamna bul ber chu corruption a ni tiin mimal hamthatna aiin khawtlang leh ram hmasawnna ngaih pawimawh zawk zel a ni ang a, hlemhletna tel lova dik leh felfai taka rorel chu an tum ber a ni, a ti bawk. Mizoram lei hnuaia gas leh oil awm ngei a ni tih hriat a nih tawh thu tarlangin Khuallian chuan hnamdang hlir ni lo, rammite ngei henga chhawr tlak an nih theih nan inbuatsaih lawk a ngai a, chumi atan chuan Mizoram sorkar chuan Mining Institute hrang hrang-ah Mizoram tan quota a dil mek a ni, a ti. Ram leilung fate duat a tul tawh a, kuthnathawk hi thil zahthlak a ni lo tih inzirtir thar leh a tul a, chuvang chuan thangtharte rilru leh taksa thang dik tur chuan zirtirtute an pawimawh ber thu leh an nun an chetzia an uluk hle a ngai a ni tiin Pu Lal Thanhawla chuan HISSLAM member kalkhawm zawng zawngte a chah a ni.
Khual Zahawm Pu Lalsawta pawhin thu sawiin Mizorama zirna siam tha tur chuan zirtirtute an pawimawh ber thu leh harsatna an neih te chu innawrhkhum mai lovin tha taka sawiho zel nise a duh thu a sawi a ni. Education Department tibuai tu ber pakhat chu kum 2008-2009 chhung khan sikul 337 lai dinhmun sang zawkah financial memorandum tel lovin hlankai an ni a, hei hian sum indaihlohna a ti nasa leh zual a. Education department chu naupang leh thalaite nunphung leh nakin zela an eizawnna kawng tur thleng khawih pha a nih avangin uluk taka chinfel a tul a, sorkar pawh fimkhur takin hma a la zel a ni, a ti. National Institute of Technology, Nagpur hotute chu December thla tirah Mizoramah rawn zinin NIT rawn hawn vat dan tur rawn thlithlai an tum thu sawilangin Pu Lalsawta chuan nakum atanga class tan thei mai turin hmalak an tum, a ti. Singapore atangin Rajiv Gandhi hriatrengna University rawn din duh an awm thu te, zirna in tha tak tak hawn a nih hunah hnamdang rawn lut turte pawh pawmthiam a tul ang tiin a chah bawk.
Chief Minister nupui Pi Lal Riliani, IST&H Mizoram Chapter President ni bawk chuan thusawiin zuk leh hmuam that loh zia hre thar zela a laka inveng tura tanlak puiah HISSLAM member zawng zawngte a sawm a ni.
Vawiina HISSLAM General Conference chu Vice-President Pu P.C.Thanhranga’n a kaihruai a, chawhnu lamah kum 2009-2010 chhunga hruaitu thar turte inthlanna an nei nghal a ni.
Khual Zahawm Pu Lalsawta pawhin thu sawiin Mizorama zirna siam tha tur chuan zirtirtute an pawimawh ber thu leh harsatna an neih te chu innawrhkhum mai lovin tha taka sawiho zel nise a duh thu a sawi a ni. Education Department tibuai tu ber pakhat chu kum 2008-2009 chhung khan sikul 337 lai dinhmun sang zawkah financial memorandum tel lovin hlankai an ni a, hei hian sum indaihlohna a ti nasa leh zual a. Education department chu naupang leh thalaite nunphung leh nakin zela an eizawnna kawng tur thleng khawih pha a nih avangin uluk taka chinfel a tul a, sorkar pawh fimkhur takin hma a la zel a ni, a ti. National Institute of Technology, Nagpur hotute chu December thla tirah Mizoramah rawn zinin NIT rawn hawn vat dan tur rawn thlithlai an tum thu sawilangin Pu Lalsawta chuan nakum atanga class tan thei mai turin hmalak an tum, a ti. Singapore atangin Rajiv Gandhi hriatrengna University rawn din duh an awm thu te, zirna in tha tak tak hawn a nih hunah hnamdang rawn lut turte pawh pawmthiam a tul ang tiin a chah bawk.
Chief Minister nupui Pi Lal Riliani, IST&H Mizoram Chapter President ni bawk chuan thusawiin zuk leh hmuam that loh zia hre thar zela a laka inveng tura tanlak puiah HISSLAM member zawng zawngte a sawm a ni.
Vawiina HISSLAM General Conference chu Vice-President Pu P.C.Thanhranga’n a kaihruai a, chawhnu lamah kum 2009-2010 chhunga hruaitu thar turte inthlanna an nei nghal a ni.
