Joint Electricity Regulatory Commission (JERC) for Manipur & Mizoram chuan vawiin khan I&PR Conference Hall-ah meeting vawi 2-na an nei a, Mizorama kawlphetha chungchanga ruahmanna mumal zawk awm thei dan tur kawng hrang hrang an sawiho a. Meeting hi Pu C. Hmingthanzuala, IAS (Rtd) in a kaihruai a ni.
Commission member-te chuan Mizorama electric consumer ten an chanvo dik tak an humhalh thei dan tur te, kalphetha pekchhuak leh semchhuah danan hlauh tihtlem dan tur chungchang te leh Comsumer Union/YMA/Electric Department te nen thawho dan tur te an sawi a ni. He meeting-a rawtna hrang hrang awmte chu sorkarah thurawn anga thehluh tum a ni.
