Vawiin khan Kerala Legislative Assembly-a Welfare of Schedule Castes and Schedule Tribes Committee ten an Chairman B. Raghavan hovin Mizoram an rawn tlawh a. Mizoram Legislative Assembly Speaker Pu R. Romawian a chamber-ah a kawm hlawm.

He Kerala Legislative Assembly Schedule Castes and Schedule Tribes Welfare Committee te hi an chairman bakah MLA 7 an rawn tel a. Anmahni lo lawmna thusawiin Pu R. Romawia chuan Mizoram hi India ram hmun kilkhawr leh tlawhpawh har tak a ni a. Chuti chunga he committee ten state hmun hla tak atanga Mizoram min rawn tlawh hi kan lo lawm che u a, in cham chhungin hlim taka hun in hman kan beisei a ni a ti a. Mizo mipuite hi Schedule Tribe kan ni a, kan Assembly member neih zat 39 hi Mizote tana reserve a ni nghe nghe a. Seat khat chauh hi General hnamdangin an chuh ve theih kan nei a ni a ti a. Hnam dang Mizorama awm a tam berte hi sorkar hnathawkte an ni a, inlungrual takin engmah inthliar hranna awm lovin kan thawk ho a ni a ti.

Heng Kerala Legislative Assembly Schedule Castes and Schedule Tribes Committee te hi zanin an riak anga naktukah Guwahati an pan leh dawn a ni.