Youth Hostel Association of India in Youth Hostel Association kum 100 tlin lawmna leh India ram bikah chuan kum 60 na lawmna denchhena Biking Expedition mi 100 telna tura Mizo tlangval pathum YHAI Mizoram leh Sports & Youth Services ten an thawn ve turte chu Pu R. Lalzirliana, Home etc. Minister chuan tukin dar 8 khan Khatla kawn atangin a vailiam.
Pu Zira chuan, “Mizo tlangval 3, huaisen taka tlangram sang tak hmunah India ram mi 100 telna tura telve tura an inbuatsaih hi a ropui a, pathum lek vailiam ni mahse, an tih tur pawimawhna leh Mizote hming chherna tur anih avangin a ngaihsan awm a ni” tiin India mi ber, in hnuk dawk thei lo tawh khawpa India Danpui hnuaia inziak lut tawh kan nih angin India hi kan ta a ni, mikhual ah inngaih miah loh tur, tiin fuihna thu sawiin Bikers te chu a vailiam a ni.
Mizoram State Branch YHAI Chairman leh Sports & Youth Services Director ni bawk Pu Zoliana Royte chuan vailiamna inkhawm tawite ah tun tum Biking Expedition buatsaih anih dan te sawiin, heng tlangval 3 te tel ve theih nana sorkar-in sum a sente leh an kalphung turte a sawifiah.
Tukin zinga Bike Expedition a tel tur tlangval 3, Saihmingliana Sailo, Jacob Lalrinawma, Ramhlun veng ve ve leh H. Lalroenga, Tanhril Venglai te hian Khardung La Pass atanga Leh, ft 11302 - ft 18379 khawvela motor kawng sang ber awm chu Cycle (Thirsakawr) hmangin mi 100 an tlan dawn a, km 600 vel tlan tura beisei leh an hun hman chhung chu ni 17 chhung (19.8.2009 - 4.9.2009) an hmang dawn a ni.
Youth Hostel Association of India, Mizoram Branch hian man tlemte a India ram hmun hrang hranga thlenna neih theihnan te, pipute nun leh sulhnu, ramngaw leh nungcha humhalh inzirtirna te, ram hrang leh state hrang hrangte inkawm ngeihna siam te, hnam hrang leh ze hrangte inthliar lova nun dan zirte leh ram leh hnam tana tangkai dan zirte an buatsaih thin a ni.
YHAI member ni tur chu kum 10 - 17 tan kum khatah Rs. 50/-; kum 18 chin chunglam tan Rs. 100/-, Life member turin Rs 1550/- fee pek a ngai ve a ni.
Mizoram State Branch YHAI Chairman leh Sports & Youth Services Director ni bawk Pu Zoliana Royte chuan vailiamna inkhawm tawite ah tun tum Biking Expedition buatsaih anih dan te sawiin, heng tlangval 3 te tel ve theih nana sorkar-in sum a sente leh an kalphung turte a sawifiah.
Tukin zinga Bike Expedition a tel tur tlangval 3, Saihmingliana Sailo, Jacob Lalrinawma, Ramhlun veng ve ve leh H. Lalroenga, Tanhril Venglai te hian Khardung La Pass atanga Leh, ft 11302 - ft 18379 khawvela motor kawng sang ber awm chu Cycle (Thirsakawr) hmangin mi 100 an tlan dawn a, km 600 vel tlan tura beisei leh an hun hman chhung chu ni 17 chhung (19.8.2009 - 4.9.2009) an hmang dawn a ni.
Youth Hostel Association of India, Mizoram Branch hian man tlemte a India ram hmun hrang hranga thlenna neih theihnan te, pipute nun leh sulhnu, ramngaw leh nungcha humhalh inzirtirna te, ram hrang leh state hrang hrangte inkawm ngeihna siam te, hnam hrang leh ze hrangte inthliar lova nun dan zirte leh ram leh hnam tana tangkai dan zirte an buatsaih thin a ni.
YHAI member ni tur chu kum 10 - 17 tan kum khatah Rs. 50/-; kum 18 chin chunglam tan Rs. 100/-, Life member turin Rs 1550/- fee pek a ngai ve a ni.
