Mizoram-a Indoor Shooting Gallery hmasa ber chu vawiin khan Home Minister Pu R.Lalzirliana’n Kulikawn Indoor stadium ah a hawng.
International standard range anga siam he shooting Gallery buatsaih nan hian Mizoram Rifle Association leh Sports Council te chuan nikum atang khan hma la tanin cheng nuai 2.6 senga bul tan a ni a. A hall peih fel nan leh a chhunga silai kahna hmanrua,target runner, rifle stand leh silai te lei nan kuminah nuai 5 sen leh a ni.
Home Minister chuan thu sawiin “Mizote chu ram chhuah leh silai chelek ngaina hnam kan ni a, mipa naupang silai leh sairawkherh hum dan zirtir ngai an awm lo,” tiin silai kah chu infiamna khawvela Mizote lan chhuahna tur tak nia a hriat thu a sawi a. Thalai ten infiamna khawvel tukverh zau zawk an hawi chhuah theihna tura an inzir na tur, shooting range Mizoram-in a neih theih nana hma latu zawng zawngte chungah lawmthu a sawi bawk.
Khualzahawm Pu Zodintluanga, Sports & Youth Services minister pawhin thu sawiin “Mizo thalai ten infiamna khawvelah rahbi thar kan kai,” a ti a. Infiamna lamah thalai ten hma an sawn theihna turin sorkar chu a inhawng hle tih sawiin a bik takin Chief Minister leh Home Minister ten silai kah infiamna ti hmasawn tura MRA te hmalakna an phurpui chu vanneih thlak a tih thu a sawi a. Silai kah infiamna atan Assam Rifles pawh an inhawng tih sawiin MRA te chu Assam Rifles te tawiawmna la thin turin a fuih bawk a ni.
Khualzahawm Pu Z.H Ropuia, Sports Minister hmasa leh MRA member chuan he shooting range buatsaih tura sorkar hmasa lam atanga hma lak tan dante tarlangin thu a sawi a. Harsatna tam tak karah he shooting range siam puitlin a lo ni ta chu Mizoram tana a “suangtuahna lo hlawhtling ta” a ni, a ti a. Thu sawitu dang, Brig. Anil Rai, DIG, Assam Rifles Mizoram Sector leh MRA Patron ni bawk chuan he shooting range atang hian MRA leh Mizo thalai te chu national leh international level ah lang phakin an la inchher chhuak ang, a ti a. Naupangte talent hai chhuahna tura MRA in inelna a buatsaih tur atan Rs.10000/- a thawh nghal bawk a ni.
MRA shooting gallery hawnna inkhawm hi MRA Sr.Vice President Pu Lalthuamluaia Sailo-in a kaihruai a. He shooting gallery ah hian Independence Day Competition Zaua Club buatsaih leh Aizawl District Rifle Association puibawmin .177 Rifle 10m competition neih a ni nghal dawn a ni.
Home Minister chuan thu sawiin “Mizote chu ram chhuah leh silai chelek ngaina hnam kan ni a, mipa naupang silai leh sairawkherh hum dan zirtir ngai an awm lo,” tiin silai kah chu infiamna khawvela Mizote lan chhuahna tur tak nia a hriat thu a sawi a. Thalai ten infiamna khawvel tukverh zau zawk an hawi chhuah theihna tura an inzir na tur, shooting range Mizoram-in a neih theih nana hma latu zawng zawngte chungah lawmthu a sawi bawk.
Khualzahawm Pu Zodintluanga, Sports & Youth Services minister pawhin thu sawiin “Mizo thalai ten infiamna khawvelah rahbi thar kan kai,” a ti a. Infiamna lamah thalai ten hma an sawn theihna turin sorkar chu a inhawng hle tih sawiin a bik takin Chief Minister leh Home Minister ten silai kah infiamna ti hmasawn tura MRA te hmalakna an phurpui chu vanneih thlak a tih thu a sawi a. Silai kah infiamna atan Assam Rifles pawh an inhawng tih sawiin MRA te chu Assam Rifles te tawiawmna la thin turin a fuih bawk a ni.
Khualzahawm Pu Z.H Ropuia, Sports Minister hmasa leh MRA member chuan he shooting range buatsaih tura sorkar hmasa lam atanga hma lak tan dante tarlangin thu a sawi a. Harsatna tam tak karah he shooting range siam puitlin a lo ni ta chu Mizoram tana a “suangtuahna lo hlawhtling ta” a ni, a ti a. Thu sawitu dang, Brig. Anil Rai, DIG, Assam Rifles Mizoram Sector leh MRA Patron ni bawk chuan he shooting range atang hian MRA leh Mizo thalai te chu national leh international level ah lang phakin an la inchher chhuak ang, a ti a. Naupangte talent hai chhuahna tura MRA in inelna a buatsaih tur atan Rs.10000/- a thawh nghal bawk a ni.
MRA shooting gallery hawnna inkhawm hi MRA Sr.Vice President Pu Lalthuamluaia Sailo-in a kaihruai a. He shooting gallery ah hian Independence Day Competition Zaua Club buatsaih leh Aizawl District Rifle Association puibawmin .177 Rifle 10m competition neih a ni nghal dawn a ni.
