Mizoram Cooperative Apex Bank Ltd. chuan vawiin khan Annual General Assembly vawi 16-na Vanapa Hall-ah an hmang a. Cooperation Minister Pu J.H.Rothuama chu Khuallian a ni.
Vawiina MCAB khawmpui hi chhawng thuma then niin a hawnna inkhawm, chawhma huna neih chu MCAB Managing Director Pu James Hruailiana’n a kaihruai a. Khuallian Pu J.H.Rothuama chuan thu sawiin Mizoram-ah Co-operative Bank 2, MCAB leh MUCO kan nei a. Heng te hi Mizoram mipui tan liau liauva din, a hlawkna pawh ram chhung mipui te kuta lut a nih avangin Cooperative bank ten hma an sawn zelna turah ram mipui ten mawh kan phur a ni, a ti a. Society hrang hrangte chu thahnem ngai taka MCAB than zelna tura thawk tur leh midangte pawh tih hmuhtu ni turin a fuih a ni. Mipui tana MCAB rawngbawlna chu mipuiin an hriat a duh thu sawiin Pu Rothuama chuan MCAB loan atangin Biak In 500 chuang zet sak a ni tawh tih a tarlang a. Mizoram sorkar-in kumina NLUP kalpuina tur sum, vaibelchhe 120 a neih tawhah society hrang hrang te chu tuam tel an nih tur thu a sawi bawk a. Tun tum Board of Directors thlanna ah member te chu rilru fim tak nena inthlanna kalpui tur leh anmahni zawn theuhva dikna leh rinawmna tungding turin a fuih thar leh bawk a ni.
Chawhnu hunah hian Agenda 4 ngaihtuaha rorel a niin heng zinga pathum chu lungrual taka pawm a ni a. Board of Directors thlanah heng mite hi thlan an ni:
1. J.L.Chawngvawra Champhai
2. K.Rothangpuia Lunglei
3. K.Lalchamreia Seling
4. Lalnunsanga Mel Riat
5. R.Rodingliana Lunglei
6. Vanlalsawma Aizawl Chanmari
hemi bakah hian hmeichhe 1 thlan a ni.
MCAB hian a din tirh atanga kum 27 na hmel hmu tawhin hemi hun chhung hian harsatna tam tak karah hma a sawn ve zel a. Tunah hian Mamit tih loh district tinah branch neiin Aizawl khawpui chhunga branch 5 awmsa bakah Govt. Complex ah Main Branch Extension Counter hawn a ni a. Kum 2008-2009 chhunga MCAB in share a hmuh dan chu Mizoram sorkar atangin Rs.469.55 lakhs, share nei tawh sa society 11 atangin Rs.32000/- leh share nei thar society 12 atanginr Rs.72800/- hmuh a ni a. Bank-in deposit a hmuh zat chu Rs.21197.39 lakhs niin loan rulhna Rs.4787.69 lakhs a hmu bawk a. Kumina a hlep chhuah zat hi Rs.206.10 lakhs a nih laiin Bank-in a hlohna lo tling khawm tawh sa Rs.434.60 lakhs a la nei mek thung a ni.
Chawhnu hunah hian Agenda 4 ngaihtuaha rorel a niin heng zinga pathum chu lungrual taka pawm a ni a. Board of Directors thlanah heng mite hi thlan an ni:
1. J.L.Chawngvawra Champhai
2. K.Rothangpuia Lunglei
3. K.Lalchamreia Seling
4. Lalnunsanga Mel Riat
5. R.Rodingliana Lunglei
6. Vanlalsawma Aizawl Chanmari
hemi bakah hian hmeichhe 1 thlan a ni.
MCAB hian a din tirh atanga kum 27 na hmel hmu tawhin hemi hun chhung hian harsatna tam tak karah hma a sawn ve zel a. Tunah hian Mamit tih loh district tinah branch neiin Aizawl khawpui chhunga branch 5 awmsa bakah Govt. Complex ah Main Branch Extension Counter hawn a ni a. Kum 2008-2009 chhunga MCAB in share a hmuh dan chu Mizoram sorkar atangin Rs.469.55 lakhs, share nei tawh sa society 11 atangin Rs.32000/- leh share nei thar society 12 atanginr Rs.72800/- hmuh a ni a. Bank-in deposit a hmuh zat chu Rs.21197.39 lakhs niin loan rulhna Rs.4787.69 lakhs a hmu bawk a. Kumina a hlep chhuah zat hi Rs.206.10 lakhs a nih laiin Bank-in a hlohna lo tling khawm tawh sa Rs.434.60 lakhs a la nei mek thung a ni.
