Kumdang a hman tawh thin angin August ni 20 atanga September ni 3 chhung hian chi leh chi inngeih dial dialna hapta hman leh a ni ang a; a nikhatni August ni 20 (Ningani) hi India Prime Minister thita Rajiv Gandhi piancham hriatreng na ‘Shabhavani Diwas’ a hman a ni ang.

He August ni 20, 2009 (Ningani) ah hian chawhma dar 11:00 ah sawrkar office hrang hrangah ‘Shabhavani Thutiam’ chham rualna hun hman a ni ang. Office tina hotu berte chu he hunah hian an officer leh staff zawng zawngte nen hun hmang tura hriattir an ni.

New Capital Complex-ah chuan Civil Secretariat thar tualzawl ah Chief Secretary kaihhruaina hnuaiah thutiam an chham ang a; Civil Secretariat hlui zawkah chuan GAD, Commissioner & Secretary kaihhruaina hnuaiah Block ‘A’ Ground Floor ah an hmang thung ang.