Kerala tuilian tuar te tanpui nan a kolasib District mipuite’n sum fai bakah thil chi hrang hrang mipuite’n an thawhkhawm chu vawiin khan thawnchhuah a ni.

Kolasib District huam chhunga Branch YMA 17 bakah, school leh mimal thahnem ngai te hnen atangin tanpuina sum fai cheng 79,860/- a lut a,  School, mimal, pawl, Branch YMA leh Dawr hrang hrang atangin tanpuina chi hrang hrang heng rice cake, sahbawn, chi, dal, thawmhnaw leh thil dang motor trip hnih a lut bawk a, heng thil te hi kolasib atanga silchar thleng motor a phur an ni anga, Silchar atangin zanin dar 8 hian Trivandrum Express ah thawn chhuah leh ani anga, September ni 2 zan dar 10:40 ah Trivandrum,Kerala thleng tura beisei a ni.

Kolasib Bawrhsap Dr.Arun T, IAS chuan Kolasib District tlawmngai pawl hrang hrangte leh mipuite chungah thinlung takin lawmthu a sawi thu a tarlang a, mipuite thilpek chu a tam lam emaw a tlem lamah emaw  teh/en a ni lova, harsatna tawk mi mangang te tanpui duhna/ pek duhna thinlung zawk chu mihring nun a ze pawimawh ber pawl ani a ti bawk.

 

 

Attachment

  • Loading attachment...