Vawiin khan Art & Culture Department leh Mizo Cultural Artist Association, Lunglei te buatsaihin Saikuti Hall, Lunglei ah Inter Village Cultural Dance Competition neih a ni. Pu R.Hmingthanzuala, Director, Arts & Culture department chu khuallian a ni.

Dance Competition hawnna inkhawm Pu Gen Khan Do, Senior Research officer, Arts & Culture department, Lunglei kaihhruaiah Pu R. Hmingthanzuala chuan Mizo nun ze mawi vawn that hi Mizo zawng zawng te tih tur a ni a, Mizo Culture hi kan vawn nun a, tlawmngaihna, huaisenna leh rinawmna te hi kan chhawmnun zel a tul a ni, a ti a. Khawvel in Mizo Traditional dress hi an ngaisang hle a, Commonwealth Games ah pawh India Flag kengtu khan Mizo incheina a ha a ni a ti. Ram leh hnam humhalh hi hnamdang tih tur nilovin keimahni tih tur a ni a, khawtlang tana tha lo  zu leh drug lak ah thalaite fihlim theuh turin a chah a, Mizo tawng hi zahpui lovin dik taka hmang turin a chah bawk a ni. District Library leh Museum Lunglei in an neih theih nan hmalak mek a nih thu a sawi a ni.

Inter Village Cultural Dance Competition ah hian veng 11 an tel a ni.