Mi thenkhatin Hrangbana Petrol Pump leh Edenthar, Zotui lui Sairang kawngpui thlangah leivung an paih thin tih hriat a ni a, hei hian a chhehvela chengte tan harsatna a siam a, an tui tlan lai te a tibawlhhlawhin boruak rimchhia leh bengchheng a siam mai bakah NH 54 pawh a tihchhiat mek avangin henglai hmun lo hrisel zawk nan leh NH 54 a lo him zawk nan Aizawl District Sub Divisional Magistrate chuan Sec. 144 Cr.P.C.1973(Act II of 1974) tlawhchhanin Hrangbana Petrol Pump leh Edenthar, Zotui lui NH 54(Sairang Road) kawngthlangah leivung paih khapna thupek ni 22/3/2012 khan a chhuah a.

Khapna Thupek hian thu leh awm hma chu thla hnih chhung a huam ang a, thupek pawisa lova paih lui te chu dan angin an chungah action lak a ni ang.