Vawiin khan Chief Secretary Conference hall-ah Chief Secretary Pu Vanhela Pachuau IAS leh Vice Chairman NLUP Implementing Board Pu P. L. Thanga hoten NLUP hnuaia ram ngaw siam, zauh leh ram thenkhatte ram ngaw a seng luh dan chungchang te sawihovin meeting nei a ni. Meeting ah hian PCCF leh Forest & Environment Departmenta hotu dangte, Rural Development Department leh Land Revenue Department Secretaries te leh Autonomous District Council pathum a Forest Department enkawltute an tel bawk a ni.

Vawiin meeting hian hemi chungchanga December 2010 thutkhawmna in rawtna hrang hrang a lo siam tawh te chu uluk leh zau takin an sawiho bakah hmalak dan tur an rel bawk a. Meeting hian ram ngaw siam leh ram ngaw humhalh te chu pawimawh tiin tui hnah leh luihnar te venhima humhalh a, a bula ram ngaw awmte chu protected area a puan tul an ti a. Hemi atana hma la turin District level-ah leh District Council ah te hetianga ram chhinchhiah hna thawk turin leh ram ngaw protected area a la puan loh te puan anih theih nan Committee din dan an sawiho. Sorkar in Protected area a a lo puan tawh te chhunga pass neite chu hemi chungchanga Supreme Court thuchhuah behchhan in an pass te cancel a nih theih dan te chu meeting ah hian tarlan a ni bawk a ni.

NLUP hnuaiah hian Mizorama ram za zelah 60 chu ram ngaw chi hrang hrang bik tan zuah a ni dawn a, ram za zelah 10 chu tui hnah leh luihnar te humhalh nana tih a nih bakah za zelah 10 chu community reserve atan dah a ni dawn a ni.