Kolasib District chhunga Industries Department hnuaia NLUP Trade hrang hrang thlangtute hnenah 2nd Instalment vawiin leh ni hnih kalta chhung khan sem a ni a. Vawiin khan DIC Conference Hall, Tuitha Veng-ah heng khua leh veng pasarih Phaisen, Bukvannei, Rengtekawn, Kolasib Hmar Veng, Tumpui, Saidan leh Tuitha Veng mi 27 te hnenah pawisa fai Rs 15,13,700/- sem a ni.

Nimin lam khan Industries Department hotute SDIO Pu CT Rosiama leh a hote chuan Vairengte Centre-ah Phainuam, Saihapui V, Vairengte I & II, leh N. Chhimluang atanga an hnuaia NLUP dawngtu mi 27 te hnenah pawisa cheng 15, 41,000/- an sem a ni. Hemi ni vek hian Bilkhawthlir-ah Saipum, Saihapui, N. Chawnpui, Bilkhawthlir N & S mi an vain mi 19 hnenah Rs 10,08,200/- an sem bawk.

Lungdai Centre-ah 21 March 2012 khan Lungdai/Sentlang, Serkhan, Nisapui, N. Chaltlang, Bukpui, leh N. Hlimen khua mi leh sa 22 te hnenah Rs 12,48,100/- sem a ni bawk a. Hemi ni vek hian Kawnpui Centre-ah Kawnpui N&S, Zanlawn, Mualkhang, Bualpui,leh N. Hortoki atanga NLUP dawngtu mi 46 te hnenah Rs 25,92,500 pek chhuah a ni bawk a ni.