Sub-Divisional Magistrate, Aizawl Sadar Sub-Division, Aizawl chuan Cr. PC Section 144-in thuneihna a pek angin Kan luikawr leh veng chhungte mihring tan a lo thianghlim zawk theih nan leh sa thianghlim zawk kan ei theih nan Mualpui-a AH & Vety Department Slaughter House-in a huam theih tur heng a hnuaia veng ITI Veng; Salem Veng; Venghnuai; Dam Veng; Republic Veng; Upper Republic; Republic Vengthlang; College Veng; Venghlui; Bethlehem; Thakthing Veng; Saron Veng; Tuithiang; Chhinga Veng ; Armed Veng; Armed Veng South; Electric Veng; Chite; Mission Veng; Kulikawn; TIangnuam leh Bethlehem Vengthlang ah te hian a hnuai ami ang hian khapna thupek a chhuah:
1. Sumdawn nana Bawng leh Vawk talh tur reng rengin mimal/mipui hmunah vantlang tana hnawk sak leh rimchhe turin Bawng leh Vawk an talh tur a ni lo a, Mualpuia a slaughter house hmunah chauh hian ran an talh tur a ni.
2. Mimal ram chhunga midang tana hnawk leh pawi theilo tura vawk leh ran talh duhte chuan Local Council phalna an lak a ngai ang.
3. Veng chhunga Tual vawk talh tur reng rengin Tual vawk awmna venga Local Council-te remtihna la hmasa lo chuan vawk an talh tur a ni lo.
4. Veng dang ami Tual vawk talh tur reng rengin tual vawk awmna venga Local Council-te hriatpuiin Vawk neitute ram chhungah an talh ang. Veng danga an zuar dawn anih chuan vawk vulhna veng neitu Local Council hriatpuina an la ang.
5. Tual vawkte hi talh hmain, veng pakhat atangin veng dangah lakluh phal a ni lo ang.
He thupek hian 13.5.2013 atanga thla 3 chhung a huam ang.
