Mi thenkhatin Aizawl New Secretariat Complex huamchhunga kawngpui sir ah motor an sil thin tih hriat a ni a. Govt. Complex bul Hnimtheilo lui kam Zonuam area leh New Secretariat panna kawngpui kam Chawnpui area ah leivung paih thin an awm tih hriat a ni bawk a. Heng hian motor leh ke a veivak te tan harsatna a siam mai bakah kawngpui pawh a tichhe mek tih hriat a ni.
Chuvangin, Cr.P.C. 144 - tlawhchhanin Sub-Divisional Magistrate, Aizawl Sadar Sub-Division, Aizawl chuan heng hmun pahnih New Secretariat Complex huamchhunga kawngpui sir a motor sil leh Hnimtheilo lui kam Govt. Complex bul leh New Secretariat panna kawngpui kam Chawnpui area ah leivung paih hi khap tlat a ni.
He thupek hi tihchhuah a nih atanga thla thum chhung hman a ni ang.
He thupek awih lo te chu Dan anga hrem an ni ang.
