Aizawl District Magistrate chuan Section 144 of the Code of Criminal Procedure, 1973 (Act II of 1974) tlawh chhanin ni 23 September, 2014 khan a hnuai ami ang hian khapna thupek a chhuah.
Chaltlang, Bawngkawn, Ramhlun North, MCdonald Hill (Govt. High School tlang) Tennis Court, Aijal Club, New Secretariat Complex, Bawngkawn to Kulikawn kawngpui via Chaltlang leh Ramhlun road huamchhungah khawtlang thilah emaw, politics kaihhnawih emaw avanga mipui punkhawm a khap a, hei hian a huhoa chaw nghei leh lungawih lohna lantir a huam bawk.
He khapna thupek hi sut leh anih loh chuan chhuah anih atanga thlahnih chhung a huam ang.
