Naupang silai lem, a mu kap chhuak thei chi (Toy Gun with Pellets) hian mitdelna a thlen theiin ramtuileilo a awm phah theihna a ni tih hriain Pu Rodney L. Ralte IAS, District Magistrate, Mamit District Mamit chuan Section 144 of Cr. P.C. 1973 (Act No. 2 of 1974) in thuneihna a pek angin a hnuai ami ang hian khapna thupek a chhuah.

Mamit District huamchhungah kum 2011 Krismas leh Kum 2012 Kumthar vuakvetah naupang silai lem, a mu kapchhuak thei chi lak luh, zawrh leh hman a khap tlat a ni.

Khapna thupek hi nimin 30.11.2011 atanga hman tan a niin tih danglam anih loh chuan thla hnih chhung a huam ang.

Thupek awih lo te chu Sec 188 of IPC hmanga hrem an ni ang.