Aizawl District Magistrate chuan 144 Cr. Pc tlawhchhanin Aizawl District huam chhungah Krismas leh Kumthar lawmna vuakvetah Silai lem, a mu kapchhuak thei te hian thil thalo tam tak a thlen theih avangin kawl, hralh, zawrh a khap tlat.
Khapna thupek in a tarlan angin mi tumahin phailam emaw hmun dang atangin silai lem, a mu kap chhuak thei chi reng reng an la lut tur a ni lo. Krismas leh kum thar vuak vet ah tumahin silai lem, a mu kap chhuak thei an hmang tur a ni lo.
He thupek hi kenkawh nghal a ni a, thu leh awm hma chuan thla 1 (khat) chhung atan puan a ni.
