Mi thenkhat in heng a hnuaia hmun tarlanah te hian motor kawng dung leh ke a kalnaah te thil an zuar thin a, dawrkai thenkhat pawhin an dawr bungrua an chhawp thin tih hriat a ni a. Hei hian mipui kal vel a tih harsat bakah lirthei tlan te nen intawhsual palh a hlauhawm hle a. Chuvangin, heng hmunte a lo him zawkna turin Aizawl District Magistrate chuan khapna thupek a hnuai a mi ang hian a tichhuak.

Mi tumahin heng a hnuaia tarlan hmunah te hian bungrua eng chi mah an pho chhuakin an zuar tur a ni lo:

1) Sikulpuikawn leh Mission Veng Presbyterian Biak In inkar kawngpui kam leh kea kalna (pedestrian pavement)-ah.

2) Revenue Directorate leh Excise & Narcotics Commissionerate inkar kea kalna (pavement)-ah.

3) Tennis Court chhehvel kawngpui kam leh kea kalna (pavement)-ah.

4) Tennis Court leh Agriculture Directorate inkar kawng kam tawn tawnah

He thupek hian Inrinni (bazarpui ni) leh sawrkar office chawlh ni chu a huam lo ang.

He thupek hi sut leh a nih loh chuan January ni 24 atanga ni 60 chhung a huam ang. He thupek awih lova ti lui an awm chuan dan angin an chungah hremna lek a ni ang.