Khatla Village Level NLUP Monitoring Committee leh Local Council-te tangkawpa huaihawt NLUP Awareness Campaign chu vawin chhun dar 11:30 khan Khatla Veng Community Hall-ah neih a ni.

NLUP Implementing Board Chairman Pu R. Selthuama, Bialtu MLA nibawk chuan campaign hi hmanpuiin NLUP tanpuina dawngtute chuan tih hlawhtin an ba let a ni a ti. NLUP ah chuan Kristian nihna lantir tura fuihin taima thahnemngai taka, anmahni hamthatnan leh dinchhuah nan tanla theuh turin beneficiary kalkhawmte chu a chah. NLUP chu sorkar dinglai party bultan nimahsela, kut hnathawk leh harsate chhanchhuahna programme anih avangin party mal thil  ni tawh lovin sorkar chuan mitin huapin a kalpui mek a ni, a ti a. Thenkhaatin sorkar chelhtu party mal tan chauh a NLUP tanpuina sem anga an puhna chu thu dik lo a ni tiin dawngtute zingah party hrang hrang mi an tel thu a tarlang. Pu selthuama chuan a thlawna tanpuina an dawn hmang chuan midang harsate tanpui chhawng thei tura hmala turin beneficiary kalkhawmte chu a sawm bawk.

NLUP Awareness Campaign Programme hi Local Council Vice Chairman Pu K. Lalchhanchhuaha’n a kaihruai a, NLUP Implementing Board Secretary Pu Zorammuana pawhin fuihna thu a sawi bawk. Khatla ah hian NLUP Beneficiary mi 135 an awm a ni.