Vawiin chawhnu khan Lawngtlai DC Pu B. Lalhmingthanga MCS office chamber-ah Lawngtlai District Co-ordination Committee an thukhawm a. Lawngtlai District chhunga Office hrang hrang hotute kalkhawmin Lawngtlai khua leh district hmasawnna atan chak zawka hma lak dan tur an sawi ho a ni.

Lawngtlai DC leh District Co-ordination Chairman Pu B. Lalhmingthanga chuan department hrang hrang thawhhona tha hi mipuite tan a pawimawh a ni a ti a. Department hrang hrangin harsatna an tawhte inhriatpuia hma inlak pui tur leh dan leh hrai kenkawhna kawnga intanpui turin thawh ho a tul tih a sawi a. District Co-ordination Committee hian a hming leka ding ni mai lova district hmasawnna atan chak taka hma laa ke a pen theih dan tur ngaihtuah a tul thu sawiin mumal taka district pum khaiding tura hma lak a nih theihna atan District Co-ordination Committee chak tak neih a tul tih a sawi bawk.

Lawngtlai District chhunga department hrang hrang hotu kalkhawmte chuan an department hna thawh dan te an sawi fiah a. Department hrang hrang hnathawh inhriatpui chu thil tangkai tak a nih thu sawiin DC kaihhruaina hnuaiah district hmasawnna atan tha taka thawh ho an tum a ni.