Superintendent of Police, Traffic ,Aizawl City  chuan  Section 117 of MV Act,1988 tlawhchhan leh Khatla, Local Council hotuten ngenna an siam ahmuna enfiah anih hnu in  mipui vantlang ke a kal te, lirthei hmangtute him tlan zawk theih nan a hnuaia tarlan hmun hrang hrang ah te hian lirthei park/dah khapna thupek thar a chhuah a ni.

1. Khatla, Chawnga Road YMA In tawntirh atanga Upa Zoliana Royte In inkar kawngpui sirah Zing dar 7:30 - 8:30 inkar chhungin lirthei eng chi mah park/dah phal a nilo.

2. Khatla Kawn Bethel pan chhohna peng atanga Khatla YMA In inkar meter 90 huam chhungah lirthei eng chi mah park/dah phal a nilo.

3. Baptist Church of Mizoram, City Church Biak In kawt atanga Pi Lawmtluangi In inkar meter 100 huam chhung kawngpui sirah lirthei eng chi mah zanriak in park/dah phal a nilo. Hei hian tulbik thilah engemaw hun reilo chhung din phalsak lirtheite chu a huam lovang.

4. Khatla Kawn atanga Nursery Veng lam panna Chawnga Road, Pu Zubana(L) Tuikhur atanga Pu Kapdawla In thlang Zun In inkar

kawngkual lai kawngsir ah lirthei eng chi mah park/dah phal a nilo.

He thupek thar hi ni 21.8.2017 (Monday) atanga thuleh awm hma chu hman tur a ni, thupek ngai pawimawh lova bawhchhelui man te chu MV Act hmanga hrem an ni ang.

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te a huam lo ang.