No.1322/2021-2022

Kolasib Dated 9th July 2021 : Vawiin chawhnu dar 1:00 khan Kolasib DC Dr. H. Lalthlangliana chuan thutharlakhawmtute kawmin COVID-19 inkaihhruaina (SOP) thar chungchang sawihona a neihpui a ni. Kolasib DC chuan nithum liam ta atanga chhutin hri kai thar dinhmun chu ziaawm lam pan anga ngaih theih a nih thu sawiin hrileng dona leh inenkawlna kawngah pawh Kolasib District chu hma kan sawn zel thu a sawi.

Dr. H. Lalthlangliana chuan Kolasib khaw chhungah khauh leh zuala invenhimna kalpui a nih tur thu a sawi a. Thupek thar chhuah angin Magistrate leh VLTF-te phalna nei lo chu pawn chhuah phal a ni tawh dawn loh thu a sawi. Thutharlakhawmtute a kawmnaah hian Total Lockdown neih chungchangah rawtna engemawzah a luh thu DC hian tarlangin inkharkhipna hi mi harsa leh chanhaite phurrit belhchhanna a nih theih avangin tun dinhmunah chuan Total Lockdown hi kalpui tum anih rih loh thu a sawi a, chutihrualin mipuite chu tul lova pawn chhuak lo tur leh thenawm khawveng in tlawhpawh lo zawnga mahni chhungkaw khawsak theuh inher rem thiam turin a chah bawk a ni.

DC chuan sawrkar thuchhuah leh COVID-19 dona kawnga thawktute thuzawm a pawimawh thu sawiin Contact Tracing chungchangah mipuite chu thuawih tak a awm turin a chah a. Contact Tracing Team-te laka thudik tak sawi hreh lo turin leh Quarantine chu thil zahthlakah ngai lova, khawtlang himna tur a tha tak a zawm ngai apiang zawm chu khua leh tui tha nihna a ni tih thu a sawi bawk.

Kolasib District chhungah Executive Duty kalpui dan a mipui duhkhawp lohna chungchangah Dr.H.Lalthlangliana chuan Duty tha lote chu danin a phal angin hremna pek a nih tur thu a sawi. Zirtirtute, Online Teaching an neih dawn vanga Executive Duty-a ruat tawh loh tura ngenna pawh, ni 12 July 2021 ah an District Education Officer hnenah an Routine thehluh a, an zirtirna tibuai lo zawng leh zirlaite’n tuar lova, tha taka an Duty theih dan tur ngaihtuah a nih tur thu a sawi.

Attachment

  • Loading attachment...