Doctor leh Nurse te awm lohna Phulpui khuaah mipuite tan a thlawna inentirna leh a thlawn veka damdawi pekna vawiin khan Aizawl Forest Development Agency leh P.C.Synod Hospital, Durtlang tangkawp ten hlawhtling takin an nei a, hetah hian damlo mi 330 chuang en an ni a, heng damlo te hi a tam ber chu natna leh upat vanga Damdawi In puia kal thei tawh ngailo te an nih bakah a then chu sum leh pai harsatna avanga khawpui pan thei lo te an ni.
He Programme hi P.C.Synod Hospital, Durtlang atanga Dr. Linda in a hova, hmanrua changkang chikim nen a thawhpuite a hruai a, Forest lam atanga Pu L.Murray, IFS, DFO, Aizawl leh Pu Lalthanzama, Forester ten an tawiawm bawk a ni.
Phulpui VCP Pu Ramfangzauva chuan hetianga engkim mai a thlawna rawn buatsaih a ni hi sawrkar chungah leh a bik takin Aizawl Forest Division leh P.C.Synod Hospital, Durtlang te chungah lawmthu a sawi a ni.
Anni Team hi zanin ah Hmuifangah riakin naktukah Hmuifang leh a chhehvel khua mipuite tan a thlawna inentirna an nei leh dawn a ni.
Phulpui VCP Pu Ramfangzauva chuan hetianga engkim mai a thlawna rawn buatsaih a ni hi sawrkar chungah leh a bik takin Aizawl Forest Division leh P.C.Synod Hospital, Durtlang te chungah lawmthu a sawi a ni.
Anni Team hi zanin ah Hmuifangah riakin naktukah Hmuifang leh a chhehvel khua mipuite tan a thlawna inentirna an nei leh dawn a ni.
