Vawiin khan D.C. Indoor Stadium, Lunglei ah Lok Sabha leh MLA By-Election a hman tur EVM chu Pu Thangchem Zathang, ARO (Lok Sabha) leh R.O. (MLA) 29 South Tuipui By-Election ni bawkin a commission a ni. He commission programme hmanna hi Pu K.Laldingliana, E.O. in a kaihruai a; Political Parties te an kal tha hle. He programme hmanna ah hian Pu S.D.Paul, EVM Manufacturing Engineer pawh a tel a ni. Election Commission duh angin Lok Sabha Election a hman tur EVM 164 leh Reserve 49 chu Indoor Stadium ah commission a ni a; 29 South Tuipui MLA By-Election a hman tur EVM 22 leh Reserve 5 pawh room hranah commission nghal a ni.

EVM commission zawh hian Randomised list ah Political Parties ten signature an pe bawk a ni. He EVM hman turte hi preparation party ten hman theih turin an buatsaih nghal a. Strong Room ah uluk taka venhimna hnuaiah dah nghal a ni dawn a ni. Lunglei District-a Election in buatsaihna chu tluang takin a kal zel a ni.