No.3324/2020-2020

Dr. R. Lalthangliana, Commerce & Industries, Health etc Minister chuan Champhai District hmun hrang hrangah kar kal ta a lir a lo nghin nawn leh avanga mipui te harsatna ngaihven tura Health Department a Doctor thiam rual a tirh bakah Geology & Mineral Resources Department atangin Senior Officer, Pu H. Lalbiakkima, Joint Director chu nimin 21.07.2020 khan Khawbung tlangdunga chhiat tawhna te zirchiang tur leh a tul ang hma lak zel dan tur hre chiang turin an chhuak a.

Pu H. Lalbiakkima hian June, 2020 thla khan helai tlangdung khua 28 lai lo tlawh chhuak tawhin lirnghingin chhiatna a thlen te Sawrkarah report a lo pe tawh a. Tun tumah pawh hian hemi bak khua te pawh a tul ang zela tlawhin, vantlang hmunhma leh mimal harsatna tawh te chiang zawkin a han zir dawn a ni.