No.3325/2020-2020  

July 22, 2020: Vawiin khan Chief Minister Pu Zoramthanga hovin AH& Vety Minister Dr. K. Beichhua leh department hotuten ar vulhtute hamthatna tur chungchang CM office ah an sawiho.

He meeting-ah hian phai atanga ar note leh ar chaw chawkluh ngai lova tualchhunga intodelh theihna tur kawng ruahmanna awm hrang hrangte chu sawiho a ni. Ar chaw chungchangah hian man tlawm zawka ar siamchhuah leh supply theih dan tur zirchian ni se tih a ni.

Mizoramin kar khat a ar note a mamawh zat hi tun dinhmunah 60,000 nia chhut a ni a. Vety department hatchery a ar note awp keu theih zat chu kar tin 20,000 vel a ni a. Hemi production-supply gap hnawhkhah nan hian Rural Infrastructure Development Fund (RIFD) hnuaia hmalak tum a ni.

Vawiin meeting-ah hian AH& Veterinary Department Secretary Pi Lalzarmawii, Director Dr. Hmarkunga leh officer dangte an tel a ni.