3232/2022-2023
Champhai, the 13th January, 2023: District Disaster Management Authority (DDMA), Champhai leh 1st Bn. NDRF, Guwahati-te tangkawp huaihawtin nimin khan Lirnghing avanga chhiatrupna thlen thulha chet lak dan tur inzirtirna, 'Mock Exercise on Earthquake' chu Khawbung Block BNRGSK Building-ah neih a ni.

He hunah hian Lirnghing a lo thlen hunah inven dan turte inzirtir anih bakah chhiatna thlen hnua hliam sawngbawl dan chi hrang hrang-te, chhanchhuahna kalpui dan turte a tak ang thei tura entir a ni.

Pu VL Hruaimawia, District Organizer (DO), DM&R, Champhai District leh Pu K.Lalhlimpuia, BDO Khawbung te'n hun hmanpuiin, Khawbung HSS zirlaite chu volunteers niin, VC, NGO, Health Dept leh PHE Dept te'n an chanpual thawkin an tawiawm bawk a, mock exercise-ah hian avaiin mi 124 te an tel a ni. 1st Bn NDRF, Guwahati te'n Champhai District Commissioner thilpek an hlan chu DC aiawhin DO Pu VL Hruaimawia'n a dawng a ni.