Hlakungpui Mual leh Museum te Khawbung tlangdunga awm chu ni 21.4.2015 khan Art & Culture Secretary Pi Rosangpuii leh Art & Culture Officer ten an tlawh a. Khawchhak tlangdunga Art & Culture Department hmalaknate a hmunah enin A&C chungchangah khawtlang hruaitute nen hmalak belhna turte an sawikhawm a ni.

Khawbung bakah Vangchhia a Kawtchhuah Ropui, Ranven Puk leh Laituma Nu Lunglen Tlangte an tlawh bawk. Kawtchhuah Ropui hi Ministry of Culture, Govt. of India-in National Importance-a a puan tawh anih avangin khawtlang hruaitute hemi chungchanga an hriat tur pawimawhte leh Mizoram sorkar hmalakna te in hrilhfiaha sawikhawm nghal a ni bawk.

Art & Culture Secretary hian Champhai District Library tlawhin department staff te nen Library hmasawnna turte an sawiho nghal bawk a ni.