No.2260/2021-2022

Aizawl, the 17th September 2021 : Vawiin khan Urban Development & Poverty Alleviation Department leh Department of Civil Engineering Mizoram University tangdun chuan khawpuia mirethei te insak ruahmanna kalpui mek Pradhan Mantri Awas Yojana (Urgan) chungchanga mithiamte sawmin Assembly House Annexe Conference Hall ah sawihona Seminar ‘ Awas Par Samvaad’ tih hming chawiin an buatsaih a. Seminar thupui ‘ Housing in Urban Space – Technology and Innovation’ tih a ni.

Seminar hi Pu H. Lianzela, Director, UD & PA Department chuan hawngin Mizoram chu mipuiin khawpui an bawhna urbanization ah India ram pumah 7-na ni mekin mihring za zela 51 vel chu khawpuia kan cheng mek a tih a sawi a. Hemi avang hian khawpuia a cheng mihring te tana chenna in buatsaih chu ram man a san avangte, insakna man leh labiur charge a sang avangte, quality hlamchhiah a ni thin avangtein hei hi chona lian tak niin a sawi. Seminar a mithiamte paper sawihona atangin a bik takin PMAY (U) chungchanga thil tha zawk a chhuah ngei a beisei tih a sawi bawk.

Seminar hawnna chu Pu HVL Zarzoenga, Joint Director (Plan), UD &PA Department in kaihruaiin Seminar neih chan leh a tum te a sawi a. Pu Andrew Lalhruaia, Deputy Director (Plan), UD &PA Department in PMAY(U) Mizorama kalpui dan, thlen chin leh hmabak te sawiin presentation a nei.

Chawhnu lamah Department of Civil Engineering, MZU leh Town & Country Planning, UD & PA Department mithiamte paper 9 buatsaih chu chawng hnihin zirho a ni a, sawihona hun te hman a ni a bawk. Mithiamte paper present hrang hrang te chu –

1. Changing faces of construction practices in India. Speaker: Dr. Rebecca Ramhmachhuani, HoD incharge, MZU.
2. New Emerging Housing Construction Technologies - Light House Project under PMAY(U) Mission.
Speaker: Dr. Lalsangzela Sailo, Assistant Professor, MZU.

3.Transformational role of innovative constructions/ technologies in Mass Housing Project.
Speaker: Dr. Lalsangzela Sailo, Assistant Professor, MZU.

4. Inclusive approach in Urban Housing.
Speaker: Pi R. Lalhmangaihzuali, Asst. Director(TCP), UD&PA Department.

5. Upcoming impact of RERA and Model Tenancy Act (MTA)2021 in rental market. Speaker: Pi R. Lalhmangaihzuali, Asst. Director(TCP), UD&PA Department.

6. Methods to make Climate-resilient Housing. Speaker: Pi Sylvia Romawizuali, Assistant Professor, MZU.

7. Green Building practices - approach to meeting Sustainable Development Goals. Speaker: Pi Sylvia Romawizuali, Assistant Professor, MZU.

8. Transformational role of Indigenous housing, Local materials and practices. Speaker: Er. H. Laldintluanga, Assistant Professor, MZU.

9. Measures of Quality Control & Assurance in housing projects. Speaker: Er. H. Laldintluanga, Assistant Professor, MZU.

Seminar ah hian UD&PA Department hnuaia khawpui a mirethei insak enkawltute, Town & Country Planning, Aizawl Municipal Corporation, Civil Engineering Department (MZU), Zamzo Real Estate/ Evergreen Pre-fab Solutions, Aizawl Smart City Limited, Mizoram Architect Forum, Biakliana & Sons atang te in an kalkhawm a ni.

PMAY-HFA(U) hnuai a khawpui hrang hrang a mirethei insak kalpui mek dinhmun zirho a ni a, chak zawk leh tha zawk a kalpui zel dan turte sawiho a zirho a ni bawk a ni.