Khawvel hmun dangte rual in pianphunga rualban lo te Ni chu vawiin khan Aizawl ah pawhCommunity Based Rehabilitation hnuaia awm pawl 4, Zoram Entu Pawl, Centre for Peace and Development, CODNERC ,Peace Home leh 26 Assam Rifles tangkawp huaihawtin hman a ni a. He hun hi 26 Assam Rifles hmunah hman a niin Mizoram Larsap Vakkom Purushothaman an a hmanpui a ni.

Mipui hmaa a thusawi ah Larsap chuan chhan leh vang pawimawh tak nei a lo pungkhawm annih thu tarlangin hun buatsaihtu Zoram Entu Pawl, CPD, CODNERC, Peace Home leh 26 AR chungah lawmthu a sawi a. Assam Rifles te hian kan ramchhung leh ramri min ven sak mai bakah mite an tanpui thin hi a lawmawm a tih thu a sawi. Khawvel puma he Ni atana thupui thlanchhuah - ‘Mitin, pianphunga rualbanlo nen vek khawvel thar’ tih chu sawiin he Ni tum ber chu pianphunga rualban lo te nen dikna leh chanvo thu hmun, an pual tana duksakna hrang hrang lantir leh an nihna leh chanvo humhalh sak a ni a ti a. Politics, sum leh pai dinhmun bakah hnamzia leh nunphung atanga pianphunga rualban lo ten an chanvo leh theihna tam zawk haichhuah sak tura inhrihhriatna hun atan he Ni hi ruat anih thu Larsap chuan a sawi lang.

Governor chuan khawvel puma mihring 15% zet te chu kawng hrang hrang pianphunga rualban lo an ni tiin heng mite endawng leh thlauhthlak te, an dikna, chanvo hmu pha mumal lo an nih dan leh nunchan thin pawh mi pangngai aia an tam zawk thin zia te hi mipui nawlpui in an hriat thiam pui pha lo a ni a ti a. Chuvangin an hmakhua humhalh chu mi pangngai zawk te mawhphurhna liau liau a ni ti in pianphunga rual ban lo te hamthatna tura sawrkar laipui in hma a lak dan leh dan pui ah meuh pawh a tarlan dan a tarlang a ni.

Heng chanvo chhawr tangkai hian rual ban lo te chu a dawng tu mai ni tawh lova, ram tana thawh hlawk ber ber an nih tawh zawk a beisei thu Pu Vakkom Purushthoman chuan a sawi.

Vawiin inkhawm hi Pu Lalchhanzova, Director, CODNERC in a kaihruai a, Fr. S. Lawrence Kennedy, Director, ZEP in pianphunga rual ban lo te aiawhin ngenna a siam a ni.

Community Based Rehabilitation(CBR) progamme hi Aizawl district RD Block 4 hnuaia khaw 58 ah pianphunga rual ban lo 764 an awm a ni. CBR in a tum chu a theih ang chin chin rualban lo te kalhmang siam that a hmasawnna lam pan pui, CBR hnathawhna hrang hrang a rualbanlo leh an chhungte thutlukna siam tur a tih chak leh hei bakah an hamthatna tur ngaihtuah a ni.