390/2026-2027

Dated Khawzawl, the 6^th May, 2026 : Vawiin khan Khawzawl Addl DC Pu K. Zorammuana chuan Khawzawl district chhunga POL leh LPG dinhmun chungchangah Khawzawla journalist-te press briefing a neihpui a. Khawzawl DCSO Pu Patrick Thiandinga pawh he hunah hian a tel a ni.

Addl DC Pu K. Zorammuana chuan tunlai khawvel ram thenkhat inkara indona (geo-politics) chuan India ramah tuialhthei (POL) leh ei rawngbawlna gas (LPG) indaihlohna a thlen thu a sawi a. Khawzawl district chhungah POL leh LPG stock lamah harsatna kan neih loh thu sawiin, LPG distributor-te chu an bial chhung consumer-te hnenah bak pe chhuak lo turin thuchhuah siam tawh a nih thu a sawi a. Filling station-te pawh POL harsatna a awm hmaa load la zung zung turin leh motor tanky khat bak uchuak taka burahte pe chhuak lo turin hriattir an ni, a ti a. Mipuite tan POL leh LPG chungchangah harsatna thlenna tur Helpline centre din a nih tawh thu a tarlang bawk.

DCSO Pu Patrick Thiandinga chuan Khawzawla POL leh LPG dinhmun report a pe a. LPG commercial cylinder hi DCSO kaltlangin Directorate-ah dil a ngaia, April thla khan bur 10 pek chhuah a ni a, May thla hian bur 5 pek chhuah tawh niin, NGO, zirna in leh kohhran hman atana pek chhuah a ni. Sawrkar laipui thuchhuahah thingtlang khuaahte (rural) LPG booking inkarah 45 days gap a awm a ngaih avangin supply a tikhaihlak deuh tih tarlangin, Mamawia Indane hi rural atanga urban-a thlak tura hma lak tum a nih thu a tarlang bawk. 

Khawzawl district chhungah hian LPG leh POL black-a hralh leh ram danga thawnchhuah report a awm loh thu tarlangin, hetiang thil a thlen loh nan a tul anga ven leh enfiah reng an nih thu a tarlang a.  Petroleum Act, 1934 chuan mimal hman atan chauh license nei lo tan pawh tum khatah petrol litre 30 chin lak emaw khawl a phal a, diesel hi litre 2,500 chin bur khata litre 1000 aia tam lo khawl a phal bawk tih tarlan a ni. 

LPG present stock

POL present stock