391/2026-2027 

Aizawl the 6th May 2026: Vawiin khan New Delhiah Mizoram sorkar leh Ministry of Jal Shakti, Department of Drinking Water & Sanitation leh Mizoram sorkar chuan Jal Jeevan Mission 2.0 kalpuina tura inremna (Memorandum of Settlement) an ziak a. Delhi atangin Pu CR Paatil, Union Minister of Jal Shakti chuan online-in a telpui a. Chief Minister Pu Lalduhoma leh Prof. Lalnilawma te bakah PHE Officials ten Aizawl atangin online-in an zawm bawk.

New Delhi-ah hian Pi Zodingpuii, IAS, Secretary to the Government of Mizoram chuan Mizoram sorkar aiawhin MoU hi a ziak a. Department of Drinking Water & Sanitation, Government of India aiawhin Pi Swati Meena Naik, Joint Secretary chuan hming a ziak a ni.

Video kaltlanga thusawiin Chief Minister chuan, Mizoram chu India rama JJM zaa za tihlawhtling hmasa ber state zinga mi niin chhungkaw 133060 te chu Functional Tap Water Connection kan pe a. Thingtlanga school leh Anganwadi Centre zawng zawngte Functional Tap Water Connection kan pe vek bawk. Water Supply Scheme 852 sanction kan hmuh atangin 849 physical work kan thawk zo tawh a. Physical work hi za zela 99 thawk zo tawh ang kan ni. Water Testing Laboratory hi 28 kan nei tawh bawk. JJM 2.0 atana inremna kan ziak thei hi kan lawm hle a. Nasa takin kan tangkaipui dawn a, Viksit Bharat tihhlawhtlinna pawimawh tak a ni dawn a ni, a ti. Chutihrualin, JJM kalpui tawhtea central share, December 2024 atanga la rawn release loh chu a rang lama release turin a ngen a ni.