Khawzawl District Bawrhsap Pu H.Lianzela chuan Khawzawl District hmar lam khuate tlawhin bial a fang a.  Vawiin khan Rabung, Pamchung, Aiduzawl leh Khualen khuate  tlawhin khawtlang hruaitute nen khawtlang mamawh leh harsatna te sawiin inkawmna hun tha tak an nei a ni.

Khawzawl District Bawrhsap Pu H.Lianzela hian  Thawhlehni khan Mimbung khuaa Sialkal Range Development Council Cell building thar Chief Minister Pu Zoramthanga’n a hawnna programme a hmanpui hnuah Rabung, Pamchung, Aiduzawl leh Khualen khuate hi a tlawh nghal a ni. Heng khuaahte hian khawtlang hruaitu ten lo dawngsawngin  an khawtlang harsatna chi hrang hrang leh an mamawh te an lo thlen a, inpawh tlang takin inkawmhona hun tha tak an nei a ni.

Khawzawl District Bawrhsap hian BPL awm lohna khua Pamchung leh Rabunga Village Development Committee ten BPL awm lohna khua an nih avanga sawrkar duhsakna project a pek hmanga khawtlang hmasawnna hna an thawh mekte a hmun ngeiah kalin a enfiah a, tha zawka hna thawh dan tur chungchang hnathawktute a sawipui bawk a ni. 

Pu H.Lianzela hi vawiin tlai vek khan Khawzawlah lam panin a let leh a ni.