2032/2025-2026

Khawzawl, dated 8th September 2025: Khawzawl Bawrhsap Pu K. Vanlalthiana'n African Swine Fever (ASF) chungchangah hetiang hian thuchhuah a siam:

ORDER

No.J.12017/1(II)/2025-DC(KZL): African Swine Fever (ASF) chu Khawzawl Town chhungah hmuh a nih tak avangin, Khawzawi District chhunga vawk vulh tu te an lo fihiim zel theihna turin a hnuaia tarlan ang hian khuahkhirhna thupek chhuah a tul niin ka hria a;

Chuvangin, kei K. VANLALTHIANA, DISTRICT MAGISTRATE, KHAWZAWL DISTRICT chuan Section 163 (1) BNSS, 2023 in thuneihna min pek angin a hnuaia thupek hi ka chhuah e:

1. Khawzawl District huam chhungah India ram pawn leh ram chhung State dang leh ASF hrilenna District dang atangin Vawk, Vawksa leh Vawksa atanga siam thil reng reng lak luh leh thawn chhuah phal a ni lo.

2. Vawk damlo reng reng talh leh hralh khap tlat a ni. Vawk damlo reng reng chu dah hran vat tur a ni. Vawk thi reng reng paih mai lovin, thuk taka chinai emaw bleaching powder nen emaw phum bo tur a ni.

3. Vawk damlo leh thi a awmin District Animal Husbandry & Veterinary Office Department Official-te hnenah report vat thin tur a ni.

4. ASF hrilenna (Infected Area) chhunga Vawk talh tur reng rengin vawk hrisel tha ngei a ni tih finfiahna, Veterinary Officer hnen atangin an nei ngei tur a ni. Soundness Certificate, Veterinary Officer Signature chuanna ngei chu mipui hmuh theih turin a tarlang tur a ni.

He thupek hi tihdanglam a nih loh chuan thla hnih (2 months) chhung a huam ang a, he thupek zawm lote chu Section 223 of BNS 2023 dan hmanga hrem an ni ang.

He thupek hi vawiin September ni 8, 2025 (Thawhtanni) hian District Magistrate Seal-a nemnghetin hming ka ziah hnan e.