2031/2025-2026

Khawzawl, dated 8th September 2025: Khawzawl Bawrhsap Pu K. Vanlalthiana chuan damdawi zawrh/hralh/pekchhuah chungchangah hetiang hian thuchhuah a siam:

ORDER

No.J.12017/1(1)/2025-DC(KZL): Khawzawl District-ah damdawi hmansualna leh sawrkarin a khuahkhirh bik damdawi, Schedule H (Doctor-in a chawhte hnen chauha hralh theih) leh Schedule X (damdawi ngaih/addict theih chi) te Dan kalha zawrh leh hralh emaw pekchhuah emaw a rem theihna turin:

Kei, K. VANLALTHIANA, DISTRICT MAGISTRATE, KHAWZAWL DISTRICT chuan Section 152 Bharatiya Nagarik Suraksha Sanhita (BNSS), 2023 in thuneihna min pek angin a hnuaia thupek hi ka chhuah e.

1. Khawzawl District chhungah Schedule H (Doctor-in a chawh te hnenah chauha hralh theih damdawi) leh Schedule X (damdawi ngaih/addict theih chi) te hi Dan lo anga zawrh leh pekchhuah khap tlat a ni.

2. Khawzawl District chhungah Schedule H leh Schedule X damdawi zawrhna dawr (Pharmaceutical Store) zawng zawngah CCTV vuah vek tur a ni.

He thupek zawm lote chu Section 223 of BNS 2023 dan hmanga hrem theih an ni ang.

He thupek hi vawiin September ni 8, 2025 (Thawhtanni) hian District Magistrate Seal-a nemnghetin hming ka ziah hnan e.