99/2024-2025
Khawzawl, 8th April 2024: Khawzawl Bawrhsap Pu K. Lalrohlua chuan a hnuaia tarlan ang hian Political Advertisement chungchangah thuchhuah pawimawh a siam.
India ram danpui (Constitution) hnuaia Article 324 in thuneihna a pek tlawhchhanin Election Commission of India chuan a hnuaia tarlan ang hian thupek a chhuah (vide No.491/MCMC/4/2024/Communication dt.01.04.2024).
State/District Level Media Certification & Monitoring Committee (MCMC) in phalna a pek (pre-certified) a nih loh chuan vote thlak ni leh vote thlak hma ni ah Political Party emaw Candidate emaw pawl leh mimal thahnemngaihna emaw anga print media kaltlanga politics kaihhnawih advertisement tihchhuah duh chuan, an tihchhuah duh ni (date) hma ni hnih aia tlai lovah State/ District MCMC hnenah dilna thehluh ngei ngei tur a ni.
1-Mizoram (ST) Parliamentary Constituency hnuaia 22-Tuichang (ST) Assembly Segment chhungah chuan a chunga tarlan hian ni 18.04.2024 atanga ni 19.04.2024 chhung a huam ang.
