100/2024-2025 

Khawzawl, 8th April 2024: Vawiin khan Khawzawl Bawrhsap Pu K. Lalrohlua chuan Khawzawl District aiawha 18th Mizoram Open Taekwondo Championship, SAI Complex, Mission Vengthlang, Aizawla neiha team kalchhuak te chu Khawzawl DC Office-ah thingpui a inpui a, lawmpuina thil pek a hlan nghal bawk a ni.

Pu K. Lalrohlua chuan Khawzawl District Amateur Taekwondo Association (KDATA) te hmalakna chu fakawm a tih thu sawiin, an kal leh zelna turah duhsakna a hlan tih a sawi a. KDATA te hlawhtlinna lawmpui nan leh an kal zelna tur atan pawisa fai cheng 10,000  a hlan a ni.

April ni 2-4 chhunga Mizoram Open Taekwondo Championship neih zawh takah hian KDATA te hian Medal 24 – Gold 3, Silver 8 leh Bronze 13 te an la a, Best Active Team-ah thlan an ni bawk. Hei bakah hian KDATA Coach Pu Lalremruata chuan coach tha ber lawmman ‘Best Coach’ lawmman a dawng bawk a ni.