101/2024-2025 

Khawzawl, 9th April 2024: Lok Sabha Inthlanpui 2024, April ni 19-a neih tur atan Mizoram hmun hrang hrangah inpuahchahna kalpui mek zel a ni a. Vawiin khan Inthlanpuia hman tur Electronic Voting Machine te chu a tumhnihna atan thliarfel an ni a, he hun hi Aizawl Bawrhsap, Pi Nazuk Kumar, 1-Mizoram PC Returning Officer ni bawk chuan a kaihruai a ni. District hrang hrang atangin District Bawrhsap theuh ten Video Conference hmangin he hun hi an chhim a, Khawzawlah pawh Bawrhsap Pu K.Lalrohlua hovin 2nd Randomisation hi neih a ni.

2nd Randomisation ah hian Electronic Voting Machine te chu an kalna tur Polling Station tih chian a ni a, a thlaveng (reserve) a awm tur tih chian a ni bawk. Vawiin randomisation ah hian khawl hmangin 22-Tuichang AS hnuaia Polling Station 28 a kal tur EVM (Ballot Unit, Control Unit leh VVPAT) 28 thlanchhuah a ni a, a thlavenga awm tur Control Unit 12, Ballot Unit 12 leh VVPAT 15 te thlanchhuah an ni bawk.

Vawiin Randomisation-ah hian Election Official te bakah Political Party hrang hrang aiawh te an tel a. EVM thlanchhuah tak te hi Party aiawh te awm lai ngeiin an kalna tur Polling Station hming leh number bel fel an ni.

EVM Commissioning hi April ni 12 khian neih tura ruahman a ni a. Commissioning hunah hian Form 7A (List of Contesting Candidates) a tarlan tawh angin, EVM khawlah hian Candidate te hming leh chhinchhiahna (symbol) bel/ tar a ni tawh ang.