706/2025-2026

Khawzawl, dated 2nd June 2025: Vawiin khan Khawzawl Bawrhsap Pu K. Vanlalthiana chuan tunlai ruahpui vanga chhiatna en tur leh tanpuina pe turin Kawlkulh, Dulte leh Puilo khua a tlawh.

Bawrhsap Pu K. Vanlalthiana chuan heng khaw hrang hranga leimin leh chhiatna te endikin Village Council te leh mipui te nen inkawmna hun a hmang a, silpaulin leh pawisa fai te a hlan nghal bawk a ni. Tanpuina hi Direct Benefit Transfer (DBT) hmanga pek an ni bawk. Bawrhsap chuan Kawlkulha Police Outpost hmalak mek chu a enpuiin a sawipui nghal bawk a ni.

Bawrhsap hi SDC Pu Paul Rokima leh Pu C. Lalrinhlua leh Dy. SP Pu Vanlalzawma te'n an tawiawm a ni.