705/2025-2026

Saitual, the 2nd June, 2025: Vawiin khan DC Conference Room, Saitualah, Pu Lallawmawma, Addl DC kaihhruainain khaw khen laia thlai enkawl dan tur leh khuarel chhiatna lo thleng thulha thlai chin te venhim dan tur ngaihtuahin sawrkar deparment hotute an thu khawm.

He hunah hian Pu Lallawmawma, Addl. DC chuan thu a sawi a, Mizoramah ruah tui tlak dan a mumal loh thin avangin khaw kheng tuar thei reng kan ni, a ti a, hetiang hun lo thleng thulha thlai chin te a him theih nan hian line department chu an pawimawh hle a ni tih a sawi. Addl. DC chuan chhungkua kan intodelh theih nan mahni in bula huan siam a, thlai chin kan uar deuh deuh a tul tih a sawi a, hei hian chawhmeh van lai pawhin chhungkaw mamawh te a phuhru ve thei dawn a ni, a ti.

Pu Lallawmawma chuan thlai chin te chu khaw kheng leh khuarel chhiatna dang te laka venhim a nih theih nan Saitual District mila Contigency plan siam a tul dawn a ni tih sawiin, line department te chu theih tawp chhuaha thawhhona tha tak nei zel turin a fuih bawk a ni.

Vawiin thutkhawmah hian Agriculture Contingency Plan, Aizawl District tana siam chu enho a ni a, Saitual District-ah pawh Agriculture leh a kaihhnawih- allied sector te chuan contingency plan siam ni se tih rel a ni. He plan hi June ni 28, 2025 hmain DC office-ah thehluh tur a ni a, thutkhawmnaah sawi ho leh a ni ang. Vawiin thutkhawm hi Pu Lallawmawma Addl. DC chuan kaihhruaiin sawrkar department hotute an tel a ni.