1762/2024-2025

Khawzawl, dated 27th August, 2024: Vawiin chawhma dar 11:00 am khan Khawzawl Deputy Commissioner Pu K. Vanlalthiana kaihhruainain DC Meeting Hall-ah Khawzawl District chhunga nu leh nau chunga thihna leh nausen thihna thleng thin chu ngun taka ngaihtuah ho niin, hetiang chhiatna thleng thin laka invendan leh thihna a lo tlem zawk theih na'n ngun taka zir hova hma thar lak tha an tih thu an sawi hova, MHIP te leh ICDS Dept lam ten theih tawp chhuahin mipuiah Awareness neih nise an ti a, Khawzawl Dist chhunga Damdawiin te pawh tichangtlung zual zel tura DC hova hma lak nise an ti.

He hunah hian Sub Hqrs. YMA aiawh te, Sub Hqrs MHIP leh Dist MUP aiawh te bakah Medical Superintendent, District Hospital, Khawzawl leh Sr. Medical Officer, District Hospital, Khawzawl te an tel a, Power point Presentation hmangin Maternal &Infant Death chungchang chipchiar taka inhrilhfiahna hun hman a ni bawk. Khawzawl Dist Hospital bakah hian Biate, Sialhawk, Khawhai leh Rabungah  te PHC awmin hma lakna hi kalpui mek a ni bawk.

Kum 2023 April - 2024 March chhungin nau piang 284 awmin mipa 149 leh hmeichhia 135 an awm a, nausen thi 6 leh pian hlima thi 10 an awm a, April - July, 2024 chhungin nau piang 72 awmin mipa 45 leh hmeichhia 27 an awm a, naupang thi 1 leh nausen thi 8 an awm thu tar lan a ni bawk.