1763/2024-2025

Khawzawl, dated 27th August, 2024 : Vawiin chawhnu dar 1:00 khan Samagra Shiksha, Khawzawl District hnuaiah Khawzawl District-a Sawrkar Primary School leh Middle School thlan chhuah 49 hnenah zirtirtuten zirtirna an kalpuinaa an hman tur Tablet sem chhuahna neih a ni a, District Bawrhsap, Pu K. Vanlalthiana chuan he hun hi hmanpuiin zirtirtute hnenah Tablet hi a sem chhuak a ni.

He hunah hian khuallian chuan thu tawi sawiin, tunlai khawvelah a thiam thiam leh a fing fing an ding chhuak tawh tiin zirtirtu kal khawmte chu an zirlaite an damkhawchhuah a, an din chhuah theihna tur thiamna leh finna pe thei tura theih tawp chhuah turin a fuih a. An tablet dawn tur te pawh naupangte an zirtirnaah an tangkaipui a beisei tih a sawi.

Vawiina Tablet sem chhuahna hun hi Pu Andrew Lalrintluanga, Addl. DPC, Samagra Shiksha (SDEO) ni bawkin a kaihruai a. Pu Zokhuma APO in Report a pe a, Pu K. Thantluanga, Dy. DPC, Damagra Shiksha in lawmthu sawina a nei a. Vawiinah hian School 49 tam Tablet 101 an sem chhuak a ni.