2792/2026-2027

Dated Khawzawl, the 23rd October, 2026 : Vawiin khan DC Office Chamber, Khawzawl-ah Pu K. Vanlalthiana, Deputy Commissioner hoin Solid Waste Management Rules, 2026 chungchanga Khawzawl district chhunga hmalakna hrang hrangte enho a ni.

Khawzawl-ah hian Solid Waste Management (SWM) Rules, 2026 a taka kalpui ṭan mek niin, Khawzawl Town area-a Village Council zawng zawngah kalpui ṭan turin October 27, 2026 hian Deputy Commissioner, Khawzawl in a khuhhawnna a nei ang.

SWM Rules, 2026-ah hian bawlhhlawhte chu chi li - ṭawih thei (wet), ṭawih thei lo (dry), sanitary waste (diaper, napkin, etc) leh special care waste (electronic thil, etc)-ah te thliar tur a ni a, chhungkaw tinin bawlhhlawh báwm pali an neih a ngai.

Dan thar anga bawlhhlawh chi li-a thliar hi Kawlkulh-ah hlawhtling taka kalpui ni tawhin, Khawzawl Town huam chhunga VC zawng zawngah kalpui tan a ni leh dawn a. A tahtawlin Khawzawl District chhunga khaw hrang hrangah pawh kalpui chhoh zel tum a ni.