No.4034/2021-2022

Aizawl, the 18th February, 2022: Nimin chawhnu khan Khawzawl District Bawrhsap Pu C.C. Lalchhuangkima chuan Corporate Social Responsibility (CSR) atanga District Hospital, Khawzawl-a Blood Storage Centre dah tura hmalakna kal mek chungchangah District Hospital a tlawh.

Bawrhsap hi CMO Dr. Albert Lalhminghlua'n a lo dawngsawng a. Blood Storage Centre dahna tur hmunhma leh mamawh hrang hrang lei ngaite sawiho niin, chak zawk leh zau zawka hmalak dan tur sawiho turin meeting neih thuai nise an ti a ni.

District Hospital, Khawzawla Blood Storage Centre dah hi District mipuite mamawhna hriaa Bialtu MLA Pu Tawnluia, Deputy CM ni bawk hmalakna a ni a. Khawzawl District chhunga sawrkar hna lian thawktu Contractor-te hnen atangin hemi atana sum mamawh pawh dawn kim thawkhat tawh a ni.

District Bawrhsap hi SDC Pu H. Lalramenga'n a tawiawm a ni.