2393/2023-2024
Khawzawl, 20th October 2023: Vawiin khan Khawzawl District DEO Pu K. Lalrohlua, Khawzawl DC ni bawk chuan thuthar lakhawmtute kawmin kan hma lawka MLA General Election lo awm tura Khawzawl District in buatsaih dan a hriattir.
1. Candidate Nomination File chungchang: ECI in rem a ruatangin October ni 13 (Zirtawpni), 2023 atang khan KhawzawlDistrict chhunga Assembly Constituency awmchhun - 22- Tuichang (ST) A/C a candidate nomination file-na hun chu nitin chawhma dar 11 atangin tlai dar 3 thleng hawn a ni a. Vawiin chawhnu dar 3 thleng khan mi 4 in nomination an file tawh a ni.
Candidate zinga nomination file hmasa ber chu Pu Tawnluia, MNF a ni a. A ni hian ni 18.10.2023 khan nomination a file a ni.
Candidate nomination file tawh te chu:
1. Pu Tawnluia - MNF
2. Pu C Lalhriatpuia - INC
3. Pu W Chhuanawma - ZPM
4. Pi Lalhmunsiami – Independent (Lalpa Chhiahhlawh Zoramthar)
Nomination file theih hun hnuhnung ber chu vawiin October 20, 2023 (Zirtawpni) hi a ni a. Candidate te inhnuhdawh theih hunhnuhnung ber chu October 23, 2023 (Thawhtanni) niin, naktukdar 11:00 am October 21, 2023 hian scrutiny neih a ni ang a. Nomination paper leh affidavit te hi Know Your Candidate Application leh ECI Website atangin enfiah theih reng a ni.
2. Election Observer chungchang: Election Observer (General, Expenditure leh Police) te hi ECI in a ruat vek tawh a. Expenditure Observer Pu Shridar Dora, IRS hian a vawikhatna atan October 13 khan lo thlengin October 14 khan Expenditure kaihhnawih team hrang hrang Flying Squad Team, Static Surveillance Team, Video Surveillance Team etc te meeting a neih pui a. Vawiin October ni 20 hian a vawihnihna atan a lo thleng leh ang. General Observer Pu Amit Singh Bansal, IAS lehPolice Observer, Pu Aotemsu, IPS te hian nimin lam khan Khawzawl an lo thleng tawh bawk a ni.
3. First randomisation of Polling Parties: Presiding Officer 35, Assistant Presiding Officer 35 leh Polling Officer 70 te duty na tur hi computer hmangin October ni 16 khan thlan chhuah(randomise) a ni a. Randomisation hi tum hnih neih leh tur a ni. Polling parties te tana training hmasa ber hi vawiin October 20, 2023 hian Khawzawl Govt. High School ah buatsaih a ni a. Training tum hnih buatsaih leh tur a ni. Hmeichhia vekin an viltur ‘Pink Polling Station’ 3 - Khawzawl Kawnzar, Arro leh Khawzawl Zuchhip bakah thalai hlangin an vil tur ‘All Youth Manage Polling Station’ 1 - Khawhai I te tun inthlanah hian a awm dawn a ni.
4. Expenditure Monitoring: Election-a candidate te sum hmandan ngun taka vil tura din Flying Squad Team, Static Surveillance Team, Video Surveillance Team, Video Viewing Teams, MCMC team ten an hna an thawk mek a. Candidate hming pe lut tawh te tan Shadow Account Register hawnsak vekan ni bawk. Tin, political party te pawhin motor, flag leh banner an tar dawn pawhin phalna an la thlap zel a, mimal in a tar tur pawhin EO/DC ah an remtihna an thehlut tur a ni.
5. Senior citizens & PwD: Kum upa zawk te leh PwD te tan home voting tih theih a ni a. Form 12D hmanga dilna hi thehluh tur niin October 18 thleng khan hun hawn a ni a. Mi 142 in form an rawn thehlut a, an vaiin an dilna hi pawm sak vek a ni. Heng mi 142 te hi polling party team 6 ten an awmna/chenna ah vote an thlak tir dawn a ni.
6. Postal Ballot: Sawrkar hnathawk, election duty avanga mahni vote neihna hmuna vote thlak thei lote leh Essential Service Duty te tan Form 12 hmangin postal ballot a vote thlak dil theiha ni dawn a, Returning Officer/ DC office ah vote thlakna hmunhnih ah siam a ni ang.
7. First Randomisation of EVM: Media te leh Political Party aiawhte hriatpuiin first randomization of EVM chu October 18 2023 khan neih a ni a. Khawzawl District Strong Room-ah hianElectronic Voting Machine Balloting Unit - 50, Control Unit - 57 leh VVPAT - 48 a awm a. 1st randomisation-ah hian Tuichang bial chhunga EVM hman tur (reserve tur telin) thlanchhuah a ni. 2nd randomisation hi October ni 23 hian neih lehtur a ni a, he hunah hian computer hmangin EVM leh VVPAT tekalna tur Polling Station thlan fel a ni ang a. October ni 30 leh ni31 hian EVM te hi inthlana hman turin political party tin aiawhte hriatpuina in buatsaih (commissioning) a ni ang.
8. SVEEP: Systematic Voters' Education and Electoral Participation (SVEEP) hi voter ten an dikna chanvo an hriat nan leh inthlan kalphung an hriat fiah leh zual nan a ECI in a ruahman a ni a. Khawzawl District chhungah pawh hmalakna thenkhat te han tarlang ila - EVM Demonstration Center siam te, Street Campaign buatsaih te, Electoral Literacy Club School leh College a din te bakah Slogan Writing Competition, Quiz leh Mini Marathon buatsaih te pawh SVEEP hnuaia hmalakna ah hian a tel a ni. Heng bak ah Khawzawl Miss Mizoram Zirsangpuii leh YoungFella Singer te Video clip, mipui vote thlak tur a sawmna thehdarh mek a ni. YMA General Conference, Biate a neih turah YMA member zawng zawng tevote thlak tur a sawmna banner etc. siam ani dawn bawk. SubHqrs YMA nen thawhhona siam a ni a, YMA branch hrang hrang ten an branch huam chhunga voter te vote thlak turin an sawm ang a, vote thlak tha Branch te tan lawmman siam a niang.
Lawmthu sawina leh ngenna: Khawzawl a thuthar lakhawmtuten inthlan kaihhnawiha thu pawimawh min thehdarh sak thin avangin lawmthu thinlung takin kan sawi a. Khawzawl ah a tum khat nan MLA inthlan kan buatsaih dawn a ni a, Election fel fai, thianghlim leh mi zawng zawng huap a awm theih nan Khawzawl District a thuthar lakhawmtute zawng zawngthawhhopuiah ka sawm nawn leh a che u. Tuichang AC hi Mizorama Vote thlak thatna ber a nih theih nan in mi tanpuinaka ngen a. Election chungchanga hriattur tul mipuiu ten an hriattheih nan ECI duhdan angin press briefing hi kar tin neih thin tur a ni a. Khawngaih takin he Press Briefing hi ngai pawimawh turin kan in ngen nghal bawk a ni.
