No.3461/2021-2022 


Aizawl the 18th December, 2021: Vawiin chawhma khan Pu C. C. Lalchhuangkima, Deputy Commissioner, Khawzawl District chuan Khawzawl bypass National Highway No-6 kawngpui laih mek chu a hmunah kalin a endik.

Khawzawl District Bawrhsap hian Tuimuk leilet leh Halsual muala kawngpui laih avanga leivung paihin mi ram a tih chhiat dan hrang hrangte a endik a. He kawng laitu Contractor Shri Balaji Contructions Company-te hnenah leivung reng reng leivung paihna tur hmun bik Soil Bank-ah chauh paih thin tur leh, National Highway atana ram lâk, Sawrkarin compensation a pek tawhna Right of Way chhungah chauh hna thawk turin a hrilh a. Right of way pawn lama mi ram ti chhe lo thei ang ber tura hna thawk turin contractor-te chu a hriattir a ni.

Khawzawl to Champhai National Highways No-6 hi cheng vaibelchhe 370.43 sengin 26.78 km a thui laih tura ruahman a ni a, tunah hian hnathawh tura ruahman za zela 15.47  thawh zawh a ni a, kum 2023 June thlaa a laih zawh tura ruahman a ni. 

DC hi Pu Shrivastava, General Manager (Projects), NHIDCL, Pu Lalrohlua, Additional DC te bakah Pu RN Chaudhury, General Manager, Shri Balaji Contructions Company ten an tawiawm a ni.

Attachment

  • Loading attachment...