DIRECTORATE OF INFORMATION & PUBLIC RELATIONS, Government of Mizoram, India

No.3460/2021-2022

Aizawl, the 18th December, 2021: Vawiin khan Er. Lalrinawma, Deputy Speaker leh bialtu MLA ni bawk chuan a bial chhung khua Chhuanthar Tlangnuam Branch MHIP Inah MHIP te buatsaih Puanthui Zirna a hawng.

Er. Lalrinawma chuan, hmeichhiate chu in chhung sekrek khawihtu leh chhungkaw khaidingtu pawimawh tak an nih avangin an tan kutthemthiamna hi a pawimawh hle a, an thiamna tihpun sak sauh sauh zel hi a tul hle a ni, a ti a.

MLA a nihna anga bial a enkawlna kawngah eizawnnate, hriselna leh zirnate chu a ngaih pawimawh zual an nih thu sawiin, vawiina Puanthui zirna pawh hi mi tam tak tan eizawnna siamtu anih ngei a beisei thu a sawi a ni. Tuikum bial chhung MHIP Branch eng emaw zat in Puanthui zirna hmun an hawng thei chu lawmawm a tih thu sawiin Tuikum bial chhung thalai tam takin thiamna hlu tak an neih phah dawn a, a lawmawm hle a ni, a ti bawk.

Chhuanthar Tlangnuam Branch MHIP Puanthui zirna hi Er. Lalrinawma'n puanthuina khawl panga a pek hmanga MHIP Ina kalpui a ni a, thla thum chhung zel zir tur niin tunah hian mi 11 in an zir mek a ni.

Vawiina a hawnna hun hi MHIP Branch President Pi Tlanmawii'n a kaihruai a ni.

Attachment